Eidg. Hornusserfest A-Mannschaft

S’ganze Johr heimer druf gschaffet und üs gfreut!

Und die ganzi Arbeit isch ou belohnt worde.

Mitem 5.Rang hole mir üs s’letschte Horn, nachdem mir nachem Vortag no uf Rang 8 si gstange!

Bi nid grad eifache Sichtverhältnisse und heissä Temperaturen, isches niä eifach gsi im Ries und am Bock. Aber mir hei zäme kämpft, aui gägesitig ungerstütz und definitiv dä 5. Rang erkämpft. Am erschtä Tag isches no ruhig zue und här gange.

Trotz dä Temperaturen wo üs und am Bockstang aues abverlangt het.

Mir hei zwar dr erscht Tag unger üsnä erwartigä abgschlosse aber mit 0 Nr. zmingscht.

Am obe nachem Nachtesse sie viel früech hei, aber ou nid aui. S’fescht isch i vollem gang gsi und Festhütte mit Volxrock isch am bäbe gsi.

Am zwöite Tag mit sunne rächts im Blick, chli rütschigi Schueh und nochli verschlofnigi Ougä, heimers deh glich gschafft das Ries suber z’behalte.

Am Bock isches wieder durchzoge glüffe, aber s’letschtä horn heimer üs mit ärä sogenannte angebliche Revanche erobert.

Mit schöne Frisuren, rote Backe, dr eint oder anger Chranz, grosse Medaillen und gueter Stimmig, heimer am obe no dr› Empfang in der Gemeinde Thörigen gha.

Mit üsere Musik Musikgesellschaft Thörigen und dä angere Dorfvereinä und Bevölkerig, heimer üsi Erfolg und Erinnerigä wunderschön dörfe lo usklinge loh.

Merci aune, wo für üs das Fescht so unvergässlich gmacht hei.